i hob
mei tür
laung genug
offn glossn...

oba jetzt
hob is
gschlossn




april 2010
© by gerhard aba

©photo by GERHARD ABA-2010

i sitz
auf an
grünen weinberg
und schau obe

i denk ma..
es gibt orte
de vagisst ma
liaba schnö


april 2o1o
© by gerhard aba

noch der oarsch
kölla-partie...

feia i ah
suppa-party





april 2010
© by GEHARD ABA

dein kölla raaman...
finsta staubig und dreckig

a polizeischtrof griakt ...
Wegn schlecht gsichatn lodegut

a ausstöllung planan...
hektisch ka zeit und planlos

an wossarohrbruch...
voichaos zum davoschwimman

de heislspülung im oarsch...
a neiche kaufn und montiern

de bohrmaschin obrennt...
gschwind ane ausbuagn

mognschmerzen bis zum speim...
bin innalich am explodiern

und des sahnehäubchen..........
die begegnungen mit dir
und dein „f(r)eindlichen“ gsicht



april 2010
© by GERHARD ABA

da zeus
woar scho sehr gemein...

er hot den "kugelmensch"
so mir nix dir nix
in zwa schtickl gschnittn

und ihh...
such no ima
mei zweite höfte



april 2010
©by GERHARD ABA

ois i diee
des erste moi gsen hob
hob i mi in diee valiebt

wie i diee
des letze moi gsen hob
hob i diee geliebt

und heit
lieb i diee
no imma


april 2010
© by gerhard aba

i waas...
gestan woar
da 10te

i waas...
und i trog eam
im herzen




april 2010
© by gerhard aba

die bohrmaschin sogt zum hammer...
du bist echt a haumma

die beißzaungan sogt zur bohrmaschin...
i beiß da glei dei kabl oh




April 2010
© by gerhard aba

...zu laung wach ei gwesn...
...matscho wieda zruck...

...wieda hoate eia...
...auferstanden...




april 2010
© aba gerhard

des woar
mei letzta blick
aus deim fensta

danoch woars
finsta und koid
um mi

und aufgwocht
bin ih
auf an eisign bankal

auf dest
du mi
ausgsezt host

mittn in
ana frostign nocht
im februa





Februar 2010
© by gerhard aba


©photo by GERHARD ABA-2010

was man verliert
ist oft verloren

aber manches findet
sich wieder




april 2010

© by gerhard aba

i hob bei dir daham
mein MATSCHO
im kastl vagessn

bitte sei so gnädig...
und gib man wieda zruck



april 2010
© by gerhard aba

du mischt die überoi ei und auf
du setzt die auf olles drauf

du mechst gern an jeden bespitzeln
du muast olles und olle kontrolliern

du manst es hom sie olle noch dir zu richten
du glaubst olles wos du sogst is sooo ehrlich

du manst die männer san eh für die fisch
du glaubst du wirst die wöd neich erfinden

du lost kan stein auf dem aundan
du mechast gern..die CHEFIN über olles sei...


Oba “leida“ is da liebe GOTT ein MANN



GOTT SEI DANK



März 2010
© by gerhard aba

sol i jetzt
stot dir a PLACEBO nema?

na lieba doch ned
sunst krieag i den NOCEBO-effekt



April 2010-04-03
© by gerhard aba