i sitz in dein gläsanan kühschraunk
mir is eisig koid.. ih waahn
und ih sich
die liegn
nockt auf dein bett

i mecht ausse...ausse zu dir
schrei und hau
gegn die tür
oba duu..
du heast mi ned

mei herz
schlogt gaunz wüd
hob aungst
das ih an herzstüstaund griag
schrei und schrei
oba duu..
du heast mi ned

i merk
das ma mei bluad eigfriad
das ih imma schwächa wiar
und mei stimm leisa wird
oba duu..
du heast mi ned

daun stehst auf
du taunzt und singst durchs zimma
gehst zum kühschraunk
und schaust eine zu mir
oba duu..
du sichst mi ned

du drahst di um
taunzt ausse bei da tür...
ih bin gaunz steifgfruan
und um mie
wird’s finsta....

daanoch woch ih
zitternt und schweisgebodet
in mein bett auf....
und waas es woar
nur a beesa traam

in der nocht von gestan auf heit... hob ih meine augen offn glossn

mai 2010
©by gerhard aba

woos
nima
is
besteeht
dennoch


mai 2010
© by gerhard aba

söbstgerechten menschn
soit ma permanent
an spieagl
fuars gsicht hoidn

oba

die gefoa dabei is
das de daun
fuar zurrrrn
zaplotzn...
und die dabei
a trumm trift


mai 2010
©by gerhard aba

imma wenns draussen
oasch-koid is
denk ih
aun de besondare
nocht mit dir......

de nocht
woar sooowos
von.... sau-koid
und duuu...
mit dazua



mai 2010
© by gerhard aba

i hob
ned gwust
das teppat sei
zu an talent
werdn kau


mai 2010
©by gerhard aba

du brauchst ma
ka trostpflosta
auf mei wundn legn

des hüft ma
goar nix



mai 2010
© by gerhard aba

maunche dinge
im lebm
san
unterbelichtet...


oba wennst
a launge
belichtungszeit
nimmst......


daun...
sichst olles



März 2010
© by gerhard aba

maunche leit
gehn gebückt
durch die wöd...

obwohls
a besenstaungan
gfressn hom


mai 2010
©by gerhard aba

i was eh
du mogst
meine gedichte
ned


oba..


denna aundan
schmeckn
meine gerichte
schoo





Mai 2010
© by gerhard aba

©photo by gerhard aba

du host ma
mein pullowa gflickt
oba mei herz
is no imma zarissn




mai 2010
©by gerhard aba

i kauns ned glaubm...
das aus so an
lieabm drachal
a eiskoida drochn
werden kaun


MAI 2010
©by gerhard aba

©photo by gerhard aba

es ist der blütensturm
der mir die unsichtbaren dinge
zu verstehen gibt


mai 2010
©by gehard aba


©photo by GERHARD ABA - 2010

wennst bei an konzert
ois supafan ahna band
wie a unsichtboares
mauablümchen
in da letztn rei sitzn muast....

daun is des oba scho....
sehr peinlich

oda?


wennst beim aufs heisl geh
den weg durt hin fagisst
und daun fuar olle leit
an irrsinnign umweg
mit an am boden gesenkten kopf
durch den baarbereich mochst
weist glaubst es sicht die eh niemand....

daun is des oba a....
seeehr peinlich


oda?


wennst aun mir fuarbei geh muast
und dein körpa
zu ahna waund drahst
dir dabei dei gsicht fost zakrozt
und aun der waund
metaweis dahischlittast
im glauben
du bist eh unsichtboar....

daun is des oba a schooo....
seeeeehr peinlich


oba... ned für mie




mai 2010
©by GERHARD ABA

??
???
????
?????



10.MAI 2010
©by GERHARD ABA